Back to News & Events

समितिको अध्यक्षमा डा. तुलसीप्रसाद भट्टराई मनोनीत

मिति २०७१ साल फगुन २८ गतेदेखि यस डिल्लीरमण–कल्याणी रेग्मी स्मारक पुस्तकालय विकास समितिको अध्यक्षमा आजीवन प्राज्ञ डा. तुलसीप्रसाद भट्टराईज्यू मनोनीत हुनुभएको छ । साथै, समतिको सदस्यहरूमा क्रमशः डा. लवदेव अवस्थी (सहसचिव, शिक्षा मन्त्रालय), श्री राजेन्द्रप्रसाद शर्मा, (सहसचिव, अर्थ मन्त्रालय), श्रीमती शान्ति मिश्र (पूर्वप्रमुख, त्रिविवि, केन्द्रीय पुस्तकालय, कीर्तिपुर), श्री श्यामसुन्दर राजवंशी (उप–सचिव, पुरातत्व विभाग) र सदस्य–सचिव एवं पुस्तकालय प्रमुख श्री भोलाकुमार श्रेष्ठ हुनुहुन्छ । समितिको अध्यक्ष र दुईजना सदस्य शिक्षा मन्त्रालयको मन्त्रीस्तरीय निर्णयबाट मनोनीत हुने व्यवस्था छ भने शिक्षा मन्त्रालय, अर्थ मन्त्रालय र पुरातत्व विभागबाट पदेन सदस्य रहने व्यवस्था छ ।

समितिको अध्यक्षमा प्रेम छोटा मनोनीत

मिति २०६९ साल कात्तिक २२ गतेदेखि यस डिल्लीरमण–कल्याणी रेग्मी स्मारक पुस्तकालय विकास समितिको अध्यक्षमा बागलुङ निवासी प्राज्ञ प्रेम छोटाज्यू मनोनीत हुनुभएको छ । साथै, समतिको सदस्यहरूमा क्रमशः शिक्षा मन्त्रालयबाट श्री महाश्रम शर्मा (सह–सचिव, योजना महाशाखा) अर्थ मन्त्रालयबाट श्री दामोदर रेग्मी (उप–महानिर्देशक, राजस्व अनुसन्धान विभाग), डा. ज्ञानेन्द्र पौड्यालय (सह–प्राध्यापक, त्रिविवि, कीर्तिपुर), श्री श्यामसुन्दर राजवंशी (उप–सचिव, पुरातत्व विभाग) र सदस्य–सचिव एवं पुस्तकालय प्रमुख श्री भोलाकुमार श्रेष्ठ हुनुहुन्छ । समितिको अध्यक्ष र दुईजना सदस्य शिक्षा मन्त्रालयको मन्त्रीस्तरीय निर्णयबाट मनोनीत हुने व्यवस्था छ भने शिक्षा मन्त्रालय, अर्थ मन्त्रालय र पुरातत्व विभागबाट पदेन सदस्य रहने व्यवस्था रहेको छ ।

हार्दिक बधाई

डिल्लीरमण–कल्याणी रेग्मी स्मारक पुस्तकालय विकास समितिका सदस्य एवं शिक्षा मन्त्रालयका सह–सचिव श्री जनार्दन नेपाल सचिव हुनुभएकोमा यस पुस्तकालय विकास समिति एवं पुस्तकालय परिवार हार्दिक बधाई ज्ञापन गर्दछौं । साथै, उहाँको कार्यकाल सफलतापूर्वक सम्पन्न होस् भन्ने शुभकामना व्यक्त गर्दछौं ।

पुस्तकालय प्रमुखमा भोलाकुमार श्रेष्ठ

यस डिल्लीरमण–कल्याणी रेग्मी स्मारक पुस्तकालय विकास समितिको सदस्य–सचिव एवं पुस्तकालय प्रमुखमा मिति २०६९ साल असोज १ गतेदेखि श्री भोलाकुमार श्रेष्ठ नियुक्त हुनुभएको छ । उहाँले यसअघि त्रिवि केन्द्रीय पुस्तकालय, नेपाल राष्ट्रिय पुस्तकालय, केसर पुस्तकालयमा काम गरिसक्नुभएको छ । यस्तै, उहाँ नेपाल पुस्तकालय संघको अध्यक्ष, दक्षिण एसियाली राष्ट्रहरुको पुस्तकालय संघको अध्यक्षसमेत भइसक्नुभएको छ । हाल रिड नेपालको सल्लाहकार, काठमाडौं उपत्यका सार्वजनिक पुस्तकालयको सदस्य, रिड सूचना तथा स्रोतकेन्द्रको अध्यक्षलगायत अन्य विभिन्न संस्थामा आबद्ध हुनुहुन्छ ।